الجمعة، 29 مايو، 2009

أعتقالات بس .....







الحمدلله الحمدلله الموقف الرسمي في مصر دائما متعاطف ومساعد لأقصى درجة.. ياإما مع اليهود ياإما مع الأمريكان ياإما مع الروس..أي محتل وخلاص المهم يساعد.. آخر خبر قرأته

قيام أمن الدولة في مصر بإلقاء القبض علي عدد كبير من الأشخاص بس مش مصريين كالعادة لأ.. غالباوضعوا أغلبية الشعب في السجون عشان كده قرروا إن هما بيساعدوا الدول الأخرى وإحنا ماشاءالله معتقلاتنا كتيرة..بس إحنا خلاص عرفنا إن هما مش أمن الدولة إنهما أمن أفراد مسؤلين ناس بعينهم يعمي وطبعا كلنا عارفينهم.. المقاومة وغزة وفلسطين ولبنان وحزب الله وطلعلهم حجة التشيع وإحتلال سينا طيب إيه حججهم في القبض على ناس بينهم وبينا مسافات ومستحيل يعني يكونوا ناويين يحتلونا هتبقى حجة خايبة جدا وواضح كذبها .. وياريت الإعتقالات لشباب ورجال بس ..لأ فيهم نساء وأطفال كمان... طب النساء والأطفال.. أعتقلوهم يعني خوفا ليغيروا نظام الحكم يعني ولا أيه ..ولا شكل الكام طفل مع أمهاتهم عاملين تنظيم دولي هما كمان آه ماهما أجانب وفي مصر يبقى أكيد عاملين لهم تنظيم دولي ولا هما الإخوان بس الي بيعملوا لا طبعا...بس تنظيم عيالي بجد مفيش دم ولا إنسانية ولا إحساس بالظروف الصعبة للناس دي... ومن ضمن التعليلات التي ذكرت عن أعتقالهم ..إن الأعتقال تم أستعدادا لزيارة أوباما...سؤال من خارج الموضوع شوية أستحملوني معلش... مش أوباما ده المفروض إن هما عاملينه اليومين دول رمز الحرية ورمز تحقيق "الديمكراتية" في العالم، والذي سيقوم بالتغيير والذي منه..! عشان محدش يقول إن الوضع هيتغير بعد أوباما بس ...الخبر طبعا منقول من الشيشان فخر الأمة...
ومفيش في أيدينا إلا إن إحنا نقول ...حسبنا الله ونعم الوكيل....
نص الخبر...

من بينهم نساء و أطفال..أمن الدولة يعتقل عدد كبير من الشيشانيين بمصر


قام أمن الدولة في مصر بإلقاء القبض علي عدد كبير من الأشخاص
من ذوي الأصول الشيشانية في تطور جديد علي الساحة المصرية

و حسبما ذكر موقع كفكاز سنتر فإن عدد المعتقلين بلغ 73 شيشاني و 12 من أنجوشيا
و 3 أشخاص من تتارستان و 10 من داغستان

فيما ذكر موقع روسيا اليوم أن عدد المعتقلين 35 من جنسيات مختلفة

و أضاف الموقع علي لسان المتحدث باسم السفارة الروسية في مصر

أن بين المعتقلين 3 نساء مع أولادهم. وأضاف أن جميع المعتقلين من مواليد الجمهوريات القوقازية – الشيشان وداغستان وأوسيتيا الشمالية وإنغوشيا.

وحسب معطيات السفارة الروسية فان السلطات المصرية إعتقلت كذلك طلاب من طاجيكستان وأوزبكستان وفرنسا وبريطانيا والدنمارك

و أضاف المصدر أن معظمهم طلاب يدرسون في جامعة الازهر بالقاهرة.و أن سلسلة الاعتقالات جرت ليلة 26 على 27 مايو/أيار و"بطريقة فظة".

أما وكالة أنباء نوفستوي الروسية الرسمية فقد أكدت ان عدد المعتقلين يقارب الـ35 شخص

و "تم إخلاء سبيل 4 منهم".

جاء ذلك علي لسان الناطق باسم القنصلية حيث أضاف "السلطات الرسمية لا تقدم حاليا أي معلومات".

كما لا يمنح المواطنون حسب قولهم، فرصة للالتقاء مع الدبلوماسيين الروس، الذين من واجبهم متابعة مراعاة حقوق الطلبة الشرعية.

وتؤكد السلطات المحلية أنه جرى اعتقالهم في إطار التأكد من شرعية تواجد المواطنين الأجانب في مصر. ولكن المعتقلون يشيرون في عرائضهم إلى مداهمتهم ليلة 26 و 27 مايو، وتخللت ذلك أعمال تفتيش ومصادرة الحاجيات الشخصية بما فيها الكمبيوترات والأموال الخاصة.



هناك 11 تعليقًا:

  1. ده شئ
    عااااااااااااااااااااادى
    طالما انهم تتوفر فيهم هذه الشروط
    1- مسلمين
    2- ملهومش حد يدافع عنهم
    3- فى ناس حتفرح لما يعتقلوا
    4- اصحاب قضية
    5- اى حاجة والسلام
    احنا عايزين نقبض عليهم يبقى نقبض
    نساء واطفال وايه يعنى مش النساء دى ممكن تولد اطفال يكبروا ويبقوا ارهابيين
    والاطفال دول مش محتمل خلال 20 سنة يبقوا ارهابيين ويحاولوا يزعزعا نظام الحكم

    حسبى الله ونعم الوكيل
    اللهم عليك بالظالمين

    ردحذف
  2. مع حضرتك حق ...عادييييييي طالما إحنا ساكتين ...وحسبنا الله ونعم الوكيل وجزاك الله خير على مرورك.......

    ردحذف
  3. والله
    الاخبار دى للاسف
    بقت بتمر علينا أكنها شىء عادى

    الظلم عندنا
    بقى شىء مستفز جدنا
    وفعلا طالما احنا ساكتين والاعلام دايما بيصور أكن ده من حقهم

    ربنا
    يخلصنا من كل ظالم

    اه
    صحيح انا كنت معلق على البوست اللى فات
    مش عارف تعليقى راح فين
    هههههههه
    ؟؟؟؟؟؟

    ردحذف
  4. بجد يادكتور عرفة كلامك صح ....الظلم عندنا بقى شئ مستفز جدا والأخبار دي بالنسبة لينا أصبحت شئ عادي وآمين يارب خلصنا إحنا وجميع المسلمين من الظلمة... وبالنسبة لتعليق حضرتك والله ما شفته بس أعتبره وصل وربنا يكرمك...

    ردحذف
  5. السلام عليكم

    اختي دودي..

    للأسف حكومات عميلة وانظمة فاسدة واجهزة أمنية خائنة
    هذا ما حصلنا عليه خلال سنواتنا الماضية
    اجهزة امنية تعمل لمصالح غربية تحت هدف اولي وهو حماية المصلحة الخارجية وان كانت على حساب مواطني الدولة

    وما لنا سوى ان نقول حسبنا الله ونعم الوكيل

    بارك الله فيك ..
    دمت بخير

    ردحذف
  6. السلام عليكم

    اختي دودي..

    للأسف حكومات عميلة وانظمة فاسدة واجهزة أمنية خائنة
    هذا ما حصلنا عليه خلال سنواتنا الماضية
    اجهزة امنية تعمل لمصالح غربية تحت هدف اولي وهو حماية المصلحة الخارجية وان كانت على حساب مواطني الدولة

    وما لنا سوى ان نقول حسبنا الله ونعم الوكيل

    بارك الله فيك ..
    دمت بخير

    ردحذف
  7. أخي بحر الدموع جزاك الله خير على مرورك... وفعلا كل حكوماتنا للأسف عميلة والشعوب غالبيتها قاعدة تتفرج .... حسبنا الله ونعم الوكيل

    ردحذف
  8. السلام عليكم
    اختى الحبيبه دودى

    هؤلاء ما هم الا عبدة لكراسيهم ومن اجل حفاظهم على هذه الكراسى يفعلون ما هو اكثر من ذلك ..

    فلا تتعجبى اختى الحبيبه ..فهم فعلوا ما اكثر من ذلك ..وليس تصريحاتهم منا ببعيد فى حرب غزه الاخيره ((حرب الفرقان ))

    ولكن الله يمهل ولا يهمل ..
    ((وسيعلم الذين ظلموا أى منقلب ينقلبون ))

    معذرة على التأخير
    جزاكم الله خيرا ..دمتى فى طاعة الله ..

    ردحذف
  9. وعايكم السلام أختي نور الإسلام... جزاك الله خير على مرورك..ووالله أنا لا أتعجب من أفعالهم ولكن أحزن لصمتنا وقبولنا... وفعلا الله يهمل ولا يمهل وسنرى فيهم العبر بإذن الله عن قريب وحسبنا الله ونعم الوكيل

    ردحذف
  10. السلام عليكم ورحمة الله وبركاتة
    كيف حالك يا دودى ؟
    مهو دا اقل واجب للضيافة
    هوا انت مش واخدة بالك ولا اية ؟!!!!!!!!!!!!!!!!
    اصل مصر ام السجن قصدى ام الدنيا
    وسجنها قصدى حضنها بيساعى من الحبايب الاعداء الف ومتتحملش واحد يقول كلمة حق
    حسبى الله ونعم الوكيل
    عليهم من الله ما يستحقوا بجد
    وللاسف هى دى بلادنا وهوا دا شعبنا وهوا دا للاسف احنا
    دمت بالف خير
    اللهم فك كرب المأسورين وارجعهم لاهلهم سالمين
    اللهم امين

    ردحذف
  11. أختي العزيزة "حتى تشرق الشمس" إحنا فعلا شعب مضياااااف جدااااااا ... وآمين يارب يفكها على بلادنا وعليهم ويردهم لأهلهم سالمين وجزاكي الله خيرا على الزيارة الجميلة دي

    ردحذف

قال تعالى (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

لنحيا بالقرآن..

TvQuran