رافضة ياناس الوضع الحالي...
رافضة أصدق كل مصيبة..
أوافق أفوت كل خطيئة...
رافضة أطنش أعيش ولنفسي...
رافضة أبدا أقول وانا مالي...
أبدا ما أنسى إن رابطنا...
عالي وغالي أوي في قلوبنا...
إسلامي ديني هو رابطنا...
رافضة أعيش دايما مقهورة...
أركع أطاطي لأي حكومة...
رافضة بيع أملاك الدولة...
رافضة يخصخصوا شبر في بلدي...
بكرة أكون في بلدي غريبة...
غازي من مالي ومال الدولة...
ليه يتباع ليهود بمقاولة...
أطلع منها أنا خسرانة...
أو كسبانة أكيد أنا رافضة...
رافضة بيع شبر من بلدي...
مصر وسوريا فلسطين أردن...
كل بلاد الإسلام بلدي...
رافضة آكل أكل يهودي...
أدفع قرش في قتل إخواتي...
رافضة أصالح أي يهودي...
ولأ ما اقبلش سفارة في بلدي...
أساس موطنها بلاد مغتصبة...
رافضة أصالح أي يهودي...
طول ما الأقصى هناك مسلوب...
طول ما دم إخواتي بيسيل...
طول ما بلاد الأقصى أسيره...
طول مايهودي مدنس أرضي...
............
رافضة صوتي يعيش مكتوم...
أما صوت الظلم جهور...
صوت الحق أعلى وأوضح...
لو غطوه منعوه قطعوه...
حتما بكرة هيوصل هدفه...
رافضة الشعب يعيش كده ساكت...
شايف الحق مغمض عينه...
رافضة..أقبل غير الحق...
هو طريقنا للحرية...
أيوا خلاص زهقنا خلاص...
كرهنا ياناس ذل العبودية...
.......
أتمرد.....
على جدران السجن العالية...
إحنا سجنا نفسنا فيها...
وإحنا بأيدنا نطلع منها...
وندك الجدران بعديها...
..............
أتمرد على صمتي وخوفي...
وخضوعي لأي أمير...
على حتى قبولي للذل...
والعزة في أيدي بملكها...
أتمرد.....
على قتل ضمير الإنسان...
على ظلم عايش في أمان...
أتمرد.....
على وضعي الحالي...
في بلادي عايش مش عايش...
حقي متاخد على طول...
وفي بلدي عايش منهوب...
أشحت لقمة عيشي ياناي...
وحاكمنا ماعندوش إحساس...
عايش في بلاد الوقواق...
وإحنا في بلاد تانيه بعيد...
وقيمتناهناك ماتجيش مليم...
وولادنا ياإما في عبارة...
ياإما في نار قايدة "حريق"...
ولسه مصايب تانية كتير...
وقيمتناهناك ماتجيش مليم...
أتمرد.....
على هجمة قوية...
زايدة في بلاد الحرية...!
والوزرا مع إعلام خايب...
شغلتهم نقد في إسلامنا...
هو أنت حكمنوا بإسلامنا...
ولا مشيتوا بشرع المولى...
لما في يوم تتأمروا علينا...
حكمنواقانون فاني وزائل...
وعملتوا جنازة على شريعتنا...
بكرة نشوف مين فينا هيلطم...
هيا الدايرة حتما دايرة...
حتما لازم لينا النصرة...
..........
وموافقة أخيرا مش رافضة...
ولا عمري أتمرد ولا أثور...
على طفل حجارة منتفضة...
وصاروخ قسامي بينور...
من قلب العتمة للشهدا...
على عزة من أرضك غزة...
على نصرة رغم الخاينين...
على ناس رافضه تتزحزح ...
عن كلمة حق أو تسكت...
عن ناس عايشه في بلادها...
عايشة بجد ماهيش نايمة...
عارفين سكتهم وطريقهم...
وهدفهم عزتهم ترجع...
وطريقهم واضح عارفينه...
بس إحنا فارقنا وضيعنا...
سكتهم موجودة في أيدينا...
دستورهم مفتاح عزتنا...
دستورهم دستور أمتنا...
دستورهم سكة جنتنا...
مصحفنا طريقنا وسكتنا...
موافقة ياناس في يوم نرجع...
لطريقهم وطريق نهضتنا...
لطريق جابهولنا رسولنا...
لطريق إسلامنا منارتنا...
والله موافقة مش رافضة...
ولا عمري أرفض العزة ...
ليست هناك تعليقات:
إرسال تعليق
قال تعالى (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))